سبتمبر، 2008
أخر تقارير الدويقه كل حاجه أخر تمام غيرو إسم الدويقه إسمها دويقة السلام إسم صالح للمسمي ذي عبارة السلام كل الرعايا في الدويقه مبسوطين تحت الركام كلهم واكلين مشلتت وايا بط أو حمام إنت حاكم إنت راكب إنت ماسك اللجام واخترعتم في الدويقه حل سحري للزحام يعني إيه كام ميه ماتو المصري عندك يسوي كام؟؟؟ إحنا في خدمة سيادتك كلنا رابطين حزام كلنا بندعي لسيادتك إطمئن إرتاح ونام وأخيرا طب شخيرا كل كارثه وانت طيب وكل كارثه فيه كلام فرصه لناس تافه ذيي يقولو شعر بانتظام فرصه لأمن الدوله ينشط في ممارسة الإنتقام فرصه لكتاب الحكومه يبيعو كوسه للنظام أنت فوق المسؤليه إنت فوق الإتهام إنت ديب واحنا ضحيه هو دا أخر الكلام كل فرد في الدويقه نفسو يبني لك مقام أحمد خفاجي شاعر المستضعفين